[1] Pius ep(iscop)us seruus seruorum dei Dilecto filio Decano eccl(es)ie Treueren(sis) Sal(u)t(em) et ap(osto)licam ben(edictionem).
Vniuersalis eccl’ie regimini licet immeriti presidentes n(ost)re sollicitudinis studio libenter efficimus, [2] q(uo)d eccl’iarum omnium, Metropolitan(arum) precipue,ac illis presidencium personarum status prosperetur ubilibet eisdemque personis, ne ipsarum decenciam rerum temporalium carencia deuenustet, pro earum necessitatibus subleuandis congruentes pro-ueniant [3] facultates.
Cum itaque, sicut exhibita nobis nuper pro parte dilecti filij Johannis Electi Treueren(sis) peticio continebat, eccl’ia et Mensa sua Archiep’alis Treueren(sis) adeo magnis debitorum oneribus gravate existant, q(uo)d ipse, unde creditoribus [4] suis, presertim pro reluicione Oppidi Sancti Wendelini sue dioc(esis) ad Mensam predictam legitime pertinentis et pro magna pecunie summa ac urgente ipsius eccl’ie necessitate pignorati, de summis, in quibus eis obligatur, commode satisfacere [5] possit, non habet, nisi per sedem ap’licam sibi de opportuno super hoc remedio consulatur,
Et, sicut eadem peticio subiungebat, si vna dicti Oppidi et alia loci in Brechen dicte dioc(esis) parrochiales eccl’ie, que ad collacionem suam ordinariam pertinere [6] noscuntur, cum omnibus iuribus et pertinencijs suis Mense Archiep’ali prefate perpetuo unirentur, annecterentur et incorporarentur, ipse reluicioni dicti Oppidi et solucioni debitorum eorundem commodius intenderet et per idoneos vicarios [7] ipsis parrochialibus eccl’ijs faceret congrue deserviri.
Quare pro parte eiusdem Electi nobis fuit humiliter supplicatum, ut easdem parrochiales eccl’ias cum omnibus iuribus et pertinencijs supradictis eidem Mense perpetuo unire, [8] annectere et incorporare de benignitate ap’lica dignaremur.

Nos igitur, qui dudum inter alia uoluimus, q(uo)d petentes beneficia eccl’iastica aliis uniri tenerentur exprimere uerum ualorem secundum communem estimacionem tam beneficii [9] uniendi quam illius, cui uniri peteretur, alioquin unio non ualeret, de premissis certam noticiam non habentes huiusmodi supplicacionibus inclinati discrecioni tue per ap’lica scripta mandamus, quatinus uocatis, quorum interest, de premissis [10] omnibus et singulis auctoritate n(ost)ra te diligenter informes, et, si per informacionem huiusmodi reppereris ita esse, dictas parrochiales eccl’ias, quarum ac Mense prefate fructuum, reddituum et prouentuum ueros ualores annuos presen-[11]tibus haberi uolumus pro expressis, eciam, si ambe uel earum altera ex quauis causa disposicioni ap’lice specialiter uel generaliter reseruate fuerint, eidem Mense perpetuo unias incorpores et annectas, ita q(uo)d liceat Electo prefato uel tunc [12] existenti Archiep’o Treueren(si) cedentibus uel decedentibus simul uel successiue earundem parrochialium ecclesiarum Rectoribus siue eccl’ias ipsas alias quomodolibet dimittentibus corporalem possessionem parrochialium eccl’iarum [13] iuri-umque et pertinenciarum predictorum auctoritate propria libere apprehendere et perpetuo retinere ac ipsarum fructus, redditus et prouentus predictos, reseruatis tamen per te prius de eis pro singulis perpetuis uicarijs singularum par-[14]rochialium eccl’iarum predictarum singulis congruis porcionibus, ex quibus se congrue sustentare et eis pro tempore incumbencia onera supportare ualeant, in reluicionem dicti Oppidi ac solucionem debitorum eorundem et alias in uti-[15]litatem Mense et eccl’iarum predictarum usus conuertere alicuius super hoc licencia minime requisita,
Non obstantibus tam predicta quam super reseruationibus specialibus uel generalibus pro tempore editis et alijs Constitucionibus [16] et ordinacionibus ap’licis nec non statutis et consuetudinibus eiusdem eccl’ie Treueren(sis), eciam iuramento, confirmatione ap’lica uel quacunque firmitate alia roboratis contrarijs quibuscunque,
Aut si aliqui super prouisionibus sibi faci-[17]endis de huiusmodi uel alijs beneficijs eccl’iasticis in illis partibus speciales uel generales dicte sedis uel legatorum eius litteras impetrarint, eciam, si per eas ad inhibicionem, reseruacionem et decretum uel alias quomodolibet sit [18] processum, quasquidem litteras et processus habitos per easdem et quecunque inde secuta ad dictas parrochiales eccl’ias uolumus non extendi, sed nullum per hoc eis quo ad assecucionem beneficiorum aliorum preiudicium generari et [19] quibuslibet priuilegijs, indulgencijs et litteris ap’licis generalibus uel specialibus, quorumcunque tenorum existant, perque presentibus non expressa uel totaliter non inserta effectus earum impediri ualeat quomodolibet uel differri [20] et de quibus quorumque totis tenoribus habenda sit in n(ost)ris litteris mencio specialis.
Nos enim, si unionem, annexionem et incorporacionem predictas per te uigore presencium fieri contigerit, ut prefertur, ex nunc irritum decernimus [21] et inane, si secus super hijs a quoquam quavis auctoritate scienter uel ignoranter contigerit attemptari.
Datum Tibure Anno Incarnacionis dominice Millesimo quadringentesimo sexagesimo primo Septimo Idus Augusti [22] Pontificatus n(ost)ri Anno Tercio.